”اعمليها بنفسك”.. شموع معطرة في خطوات بسيطة

سلسلة من الموضوعات علشان تعملي بدائل للمنتجات الغالية وسط ارتفاع الأسعار اللي بنعيشه، النهارده هنقولك طريقة شموع معطرة من بقايا الشمع اللي عندك أو من الشمع العادي الرخيص الموجود في كل مكان.. هتحتاجي:

برطمان أو فنجان أو كوباية زجاجية
الزيوت العطرية المفضلة ليكي
خيوط سميكة أو شعلات شموع من محلات الخردوات
حلتين بمقاسين مختلفين
مايه مغلية
ألوان

الخطوات: جهزي بقايا الشمع الموجود عندك وقطعيه لأجزاء صغيرة علشان تسيح أسرع.
اغلي المايه، وضيفي الشمع في حلة تانية وسيحيه على البخار، وتأكدي إن المايه ماتلمسش الحلة اللي فيها الشمع.

بعد ذوبان الشمع ضيفي قطرات من الزيت العطري اللي اختارتيه ولو حابة تروني الشمعة ضيفي اللون.

في الكوباية أو الفنجان، ضعي الخيط في النص وثبتيه بقطرات من الشمع المذاب، واربطي الطرف التاني في قلم وثبتيه على سطح الكوباية، وصبي الشمع المذاب وسبيه يجف يوم كامل.. واستخدمي الشمعة.